Shkolla “Xhevdet Doda” mohon se ligjërata është mbajtur nga Gjykata Speciale

Shkolla e Mesme “Xhevdet Doda” ka dalë me një reagim publik për të sqaruar, siç thuhet, disa informacione të pasakta që po qarkullojnë në opinion lidhur me një ligjëratë të mbajtur në ambientet e saj. Në reagimin e publikuar, drejtoria e shkollës thekson se në shkollë nuk ka pasur asnjë ligjëratë të mbajtur nga zyrtarë […]

Janar 22, 2026 - 17:30

0 4

Shkolla “Xhevdet Doda” mohon se ligjërata është mbajtur nga Gjykata Speciale

Shkolla e Mesme “Xhevdet Doda” ka dalë me një reagim publik për të sqaruar, siç thuhet, disa informacione të pasakta që po qarkullojnë në opinion lidhur me një ligjëratë të mbajtur në ambientet e saj.

Në reagimin e publikuar, drejtoria e shkollës thekson se në shkollë nuk ka pasur asnjë ligjëratë të mbajtur nga zyrtarë apo gjykatës të Gjykatës Speciale.

Shkolla sqaron se ligjërata është organizuar nga Nisma e të Rinjve për të Drejtat e Njeriut në Kosovë (YIHR), një organizatë që zhvillon aktivitete edukative në shkolla të mesme dhe universitete, me fokus në edukimin juridik dhe qytetar të të rinjve.

Qëllimi i ligjëratës, sipas njoftimit, ka qenë informimi i nxënësve mbi sistemin e drejtësisë, llojet e gjykatave dhe mënyrën e funksionimit të tyre.

“Në lidhje me disa informacione të pasakta që po qarkullojnë, sqarojmë opinionin publik se nuk ka pasur asnjë ligjëratë të mbajtur nga zyrtarë apo gjykatës të Gjykatës Speciale në ambientet e shkollës sonë.

Ligjërata në fjalë është organizuar nga Nisma e të Rinjve për të Drejtat e Njeriut në Kosovë (YIHR), një organizatë e njohur që zhvillon ligjërata edukative në shkolla të mesme dhe universitete, me fokus në edukimin juridik dhe qytetar të të rinjve.

Qëllimi i kësaj ligjërate ka qenë informimi i nxënësve mbi sistemin e drejtësisë, llojet e gjykatave dhe mënyrën e funksionimit të tyre, përfshirë edhe gjykatën e Kosovës që funksionon në Hagë, në kuadër të një informimi të përgjithshëm dhe edukativ. Gjatë ligjëratës janë trajtuar procedurat dhe funksionimi i gjykatave në mënyrë neutrale dhe informative.

Çdo interpretim apo pretendim tjetër që sugjeron ndryshe është i pavërtetë dhe i pabazuar.

Theksojmë se kjo organizatë ka realizuar mbi 100 ligjërata të ngjashme në fakultete dhe shkolla të mesme në mbarë Kosovën, duke kontribuar në rritjen e njohurive juridike dhe qytetare të të rinjve.

Për informacione shtesë, palët e interesuara mund të kontaktojnë drejtpërdrejt organizatën në fjalë.

Drejtoria Komunale e Arsimit nuk është e përfshirë në këto pëlqime për mbajtjen e ligjëratave të tilla, dhe pëlqimi është dhënë nga Këshilli Drejtues i Shkollës – KDSH.

Shkolla jonë mbetet e përkushtuar ndaj transparencës, edukimit cilësor dhe informimit korrekt të nxënësve dhe opinionit publik”, thuhet në reagim.

LEXO MË SHUMË